حیدرآباد (آن لائن نیوز روم)5 جنوری کشمیریوں کا یوم حق خودارادیت کے موقع پر حیدرآباد میں کشمیر کمیٹی حیدرآباد کی جانب سے کل بروز منگل 2 بجے دن حیدر چوک تا پریس کلب حیدرآباد کشمیر ریلی کا انعقاد کیا گیا ہے۔ اس سلسلے میں کمیٹی کے چیئرمین غازی صلاح الدین اور سینئر ممبر کشور باٹیہ نے تمام محب وطن، علماء، تاجر،سیاسی مذہبی جماعتیں،سماجی و سول سوسائٹی پاکستانی بھائیوں کو اپیل کی ہے کہ ریلی میں شرکت کرکے اپنی کشمیریوں بھائیوں سے اظہار یکجہتی کا ثبوت دیں۔ انہوں نے مزید کہا کہ بھارت کا مکروہ چہرہ اب ساری دنیا کے سامنے آگیا ہے، وہ دن اب دور نہیں جب کشمیر پاکستان کا حصہ بن جائے گا اور بھارت کو عبرتناک شکست ہوگی۔
تبصرے بند ہیں، لیکن فورم کے قوائد اور لحاظ کھلے ہیں.