کراچی (آن لائن نیوز روم) پاکستان مسلم لیگ فنکشنل میں شمولیتوں کا سلسلہ تیزی سے جاری ، پی ٹی آئی سرجانی ٹاؤن کے رہنمائوں سمیت بڑی تعداد میں کارکنان نے فنکشنل لیگ میں شمولیت کا اعلان کیا ، شمولیت اختیار کرنے والے رہنما حضرت سعید ، عامر شاہ ، محمد فائز ، توقیر ، زاھد علی شاھ سمیت بڑے تعداد میں کارکنان نے فنکشنل لیگ ھاؤس کراچی میں صوبائی جنرل سیکریٹری سردار عبدالرحیم سے ملاقات کرکے فنکشنل لیگ میں شمولیت کا اعلان کیا ۔ اس موقع پر فنکشنل لیگ سندھ کے جنرل سیکریٹری سردار عبدالرحیم نے شمولیت کرنے والوں کو خوش آمدید کہتے ہوئے کہا کہ عوام کے حقوق کے لئے سب سے بڑی جدوجہد پیر صاحب پگارا کی ہے آنے والا وقت بھی فنکشنل لیگ کا ہے نوجوان بیروزگاری بھوک وافلاس کے باعث خودکشیاں کر رہے ہے انہوں نے کہا کہ کراچی کی عوام کو ہمیشہ زبان اور مذھب کے نام پر بانٹا گیا اور انہیں لال بتی کے پیچھے لگا دیا گیا ، اور عوام کو بڑی خوبصورتی سے بیوقوف بنایا گیا ، اب کراچی کا عوام جاگ چکا ہے ، کسی بھی جھوٹے دلاسوں میں نہیں آئیں گے ، ہم یہاں ہم آھنگی پیدا کریں گے سردار عبدالرحیم نے مزید کہا کہ پارٹی میں لینڈ مافیا اور بھتہ خور کی کوئی گنجائش نہیں ہے ، کراچی کی عوام کا اب ایک ہی نعرہ بھیج پاگارہ ہے ، کراچی کی عوام نقلی سیاستدانوں سے ہوشیار رہیں اور فنکشنل لیگ میں شامل ہوکر پارٹی کے ہاتھ مظبوط کرکے اپنا اور شہر کے مستقبل کو بھتر بناسکتے ہیں اس موقعے پر کراچی زون رابطہ کمیٹی کے کنوینئر بیریسٹر ارشد شر بلوچ ، ایم ایس ایف سندھ کے جنرل سیکریٹری سید اسامہ علی جعفری ، ڈسٹرکٹ ویسٹ کے صدر رضا خاں جاوید حسین اور دیگر نے خطاب کیا۔
