ڈہرکی کے قریب غیرت کے نام پرخاتون اور مرد کو قتل کر دیا گیا

گھوٹکی (رپورٹ: مقبول بوزدار) ڈہرکی کے قریب کھینجو تھانے کے حدود میں مبینہ غیرت کے نام پرخاتون اور مرد کو قتل کر دیا گیا،یہ واقعہ نواحی گاؤں پوپٹ مہر میں پیش آیا،جہاں  شوہر  نے ساتھیوں سے مل غیرت کے نام پر اپنی تیس سالہ  بیوی اور ایک  نوجوان امام بخش کو گلہ دباکر  قتل کر دیا،ملزمان جائے وقوع سے فرار ہو گئے ہیں، اطلاع کے بعد پولیس نے لاشیں تحصیل اسپتال ڈہرکی منتقل کر دی ، اس حوالے سے مقتول امام بخش کے ورثاء کا کہنا ہے کہ مخالفین سے زمین کاتنازع چل رہا تھا جس پر مخالفین نے ہمارے نوجوان کو رات کو اغوا کر کہ ایک جھوٹے ساہ کاری کے الزام میں قتل کر دیا