کراچی (رپورٹ:سید موسیٰ رضا) سندھ کے ساحلی جزائر پر وفاقی حکومت کے قبضے کے خلاف سندھ ترقی پسند پارٹی کی جانب سے کراچی میں مارچ شروع ہوگیا ہے۔ ایس ٹی پی سربراہ ڈاکٹر قادر مگسی کی قیادت میں مارچ نے ملیر سے اپنے سفر کا آغاز کردیا ہے، مارچ مقررہ شاہراہوں سے ہوتا ہوا گورنر ہاوؑس پہنچے گا، جہاں دھرنا دیا جائے گا۔ ڈاکٹر قادر مگسی کا کہنا ہے کہ جزائر پر قبضے کے خلاف گورنر عمران اسماعیل کو یاداشت نامہ دیا جائے گا۔
