Ultimate magazine theme for WordPress.

کورونا کی وجہ آسٹریلوی فائٹر نے اسلام قبول کرلیا

0 112

کراچی (آن لائن نیوز روم ڈیسک) آسٹریلوی مکسڈ مارشل آرٹس (ایم ایم اے) فائٹر ولہیم اوٹ نے اسلام قبول کرلیا اور اپنا نام تبدیل کر کے اسلامی نام اخالد رکھ لیا۔ ایم ایم اے فائٹر نے انسٹاگرام اکاؤنٹ کے ذریعے اسلام قبول کرنے کا اعلان کرتے ہوئے بتایا کہ ‘عالمگیر وبا کورونا وائرس ان کا ایمان ڈھونڈنے میں مدددگار ثابت ہوئی’۔ آسٹریلوی ایم ایم اے فائٹر نے بتایاکہ ‘اسلام میرے ذہن میں کافی عرصے سے تھا، مشکل وقت میں ہمیشہ اسلامی عقیدے نے مجھے مضبوط کیا اور ہمت دی’۔ اسلام قبول کرنے والے آسٹریلوی فائٹر نے اپنے انسٹاگرام اکاؤنٹ پر ایک ویڈیو بھی شیئر کی جس میں انہیں اسلام کا پہلا ستون یعنی کلمہ طیبہ پڑھایا جا رہا ہے۔ ان کا کہنا تھا کہ اب میرا عقیدہ بے حد مضبوط ہوچکا ہے اور اب میں ایک خدا پر یقین رکھتا ہوں اور فخر کے ساتھ کہہ سکتا ہوں کہ میں ایک مسلمان ہوں۔

جواب چھوڑیں

آپ کا ای میل ایڈریس شائع نہیں کیا جائے گا.